گودام رسید فنانسنگ اسکیم

تعارف

دنیا بھر میں جہاں غذائی اجناس کی پیداوار میں اضافہ اور تجارت سے متعلق بہت سے اقدامات کئے جا رہے ہیں وہاں اجناس کو گودام میں محفوظ کر کے اس کے عوض مالی معاونت کسانوں کو غذائی اجناس کی کاشت اور ان کی پیداوار کو ذخیرہ کر کے اچھے داموں فروخت کرنے میں اہم کردار ادا کر سکتی ہے ۔ نیز اگلی فصل کی تیاری کیلئے درکار مالی وسائل کی فراہمی بھی یقینی بناتی ہے۔

اس اسکیم کے تحت کسان اپنی فصلوں گندم،چاول، مکئی ، کپاس اور دیگر اجناس کو مقررہ لائسنس شدہ گوداموں میں رکھو ا کر حاصل شدہ ویئر ہاءوس رسید کی ضمانت پر تھوڑی مدت کے قرضہ جات حاصل کر سکتے ہیں ۔ فصلوں کو نقصان سے بھی بچایا جا سکتا ہے اورمعقول قیمت بھی وصول کی جا سکتی ہے ۔

پہلے مرحلے میں سرخ مرچ اگانے والے علاقہ کُنری کے کسانوں کو یہ سہولیات مہیا کی جا رہی ہے جس میں الیکٹرانک ویر ہاءوس رسید کے عوض زرعی ترقیاتی بینک کی سومارو برانچ (میرپور خاص زون) قرض فراہم کرے گی ۔ اس سکیم کی اہم خصوصیات درج ذیل ہیں ۔

 

شرائط و ضوابط

مقاصد

سکیم کا بنیادی مقصد کاشت کے بعد حاصل ہونے والی فصل کو زیادہ سے زیادہ محفوظ بنا کر چھوٹے کسانوں کو آئندہ فصلوں کے لیئے درکار ضروریات پورا کرنے کیلئے سرمایہ فراہم کرنا ہے ۔ تا کہ وہ اپنی پیداوار کی بہتر قیمت بھی حاصل کر سکیں اور اگلی فصل کیلئے درکار سرمایہ بھی حاصل کر سکیں ۔

دائرہ کار

اس سکیم کا آغاز تجر باتی بنیادوں پر میرپورخاص کے علاقہ کُنری سے کیا گیا ہے جو زرعی ترقیاتی بینک کی برانچ سومارو کی حدود میں واقع ہے ۔ جبکہ بعد ازاں اس کا دائرہ کار پورے ملک میں پھیلا دیا جائے گا ۔

اہلیت

ایسے تمام کسان بھائی جن کے پاس پاکستان مرکنٹائل ایکسچینج کی طرف سے جاری کردہ گودام کی رسید موجود ہو گی ۔

مطلوبہ دستاویزات
  • کمپیوٹر ائز ڈ شناختی کارڈ کی نقل
  • الیکٹرانک رسید گودام
  • دوعدد تصاویر
قرض کی حد

اس سکیم کے تحت قرضہ کی زیادہ سے زیادہ حد 10 لاکھ روپے تک ہے ۔

مدت قرضہ

90 دن سے لیکر زیادہ سے زیادہ 100دن تک

ضمانت / سکیورٹی

س سکیم کے تحت قرضہ جات قابلِ قبول ضمانتوں ( الیکٹرانک ویر ہاءوس رسید جو پاکستان مرکنٹائل ایکسچینج کی جاری کی گئی ہو، سٹور کی گئی اجناس اور قرضدار کی ذاتی ضمانت وغیرہ) کی بنیاد پر دیئے جائیں گے ۔

قرضے کے اخراجات

بمطابق مروجہ بینک چارجز

قرضہ کی وصولی کا جدول

اس سکیم کے تحت دیئے گئے قرضہ جات کی وصولی عرصہ اندر ایک سال یکمشت بینک کی مقرر کردہ تاریخ ۱۵ جنوری یا ۱۵ جولائی تک کی جائیگی ۔

شرح مارک اپ

بینک کے معینہ قوانین کی روشنی میں کسان دوست سکیم کے مطابق مارک اپ وصول کیا جائے گا ۔

جانچ پڑتال

قرضے کی جانچ پڑتال ماہانہ بنیادوں پر پاکستان مرکنٹائل ایکسچینج کے اشتراک سے بینک کا متعلقہ برانچ مینیجر ، زونل چیف اور کریڈٹ آپریشن ڈیپارٹمنٹ اور بینک ہذا کے انٹرنل آڈیٹرز کرینگے تا کہ روزمرہ کی پیش رفت اور ترقی کا جائزہ لیا جاتا رہے ۔

متعلقہ دستاویزات

اردو اردو

پیسے بھیجنا اور وصول کرنا

زرعی ترقیاتی بینک لمیٹڈ کی اپلی کیشن کے زریعے بہت آسان ہے۔

جلد آ رہا ہے

اپنے ان باکس میں تازہ ترین مضامین اور اعلانات حاصل کریں

اِس ویب سائٹ کے بہترین ویو کے لیے اسے IE10 یا کسی بھی نئے براؤزرمیں کھولیں