سکیم برائے تمباکو بھٹی

تمباکو ایک بڑی نقد آور فصل ہے ۔ جس کی کاشت اور بعدازاں اسکی پیداوار سے بنائی جانے والی دیگر قابل استعمال چیزوں کے کاروبار سے لاتعداد افراد کا روزگار وابستہ ہے ۔ تمباکو خشک کرنے کیلئے چھوٹے پیمانے پربھٹیوں کا قیام ان افراد کی اہم ضرورت تھی ۔ لہذا زرعی ترقیاتی بینک لمیٹڈ نے تمباکو کی کاشت کے علاقوں میں بھٹیوں کے قیام میں مالی معاونت کے لئے مذکورہ سکیم کا آغاز کیا ، جس کے نمایاں خدوخال درج ذیل ہیں ۔

شرائط و ضوابط

دائرہ کار

اس اسکیم کا اطلاق زرعی ترقیاتی بینک کی پشاور ، ایبٹ آباد ، مینگورہ اور گوجرانوالہ زون کے تحت برانچوں پر ہو گا ۔

اہلیت

تمباکو کی کاشت / پیداوار کو فروغ دینے اور تمباکو بھٹی کے قیام کے خواہشمند نئے کاشتکار بشمول بینک کے پرانے صارف جن کا بینک کے ساتھ لین دین تسلی بخش رہاہو ، اس سکیم کے تحت قرضہ لینے کے اہل ہیں.

مطلوبہ دستاویزات
  • کمپیوٹر ائز ڈشناختی کارڈ کی نقل
  • لون کیس فائل / کتابچہ
  • زرعی پاس بک / فرد جمعبندی
  • دوعدد تصاویر
قرضے کی حد

اس سکیم کے تحت قرضے کی زیادہ سے زیادہ فی کس حد چار لاکھ روپے تک ہے ۔

قرضدار کی شراکت

قرضدار کو منظور شدہ قرضہ کا دس فیصد اپنے حصے کے طور پر بینک میں جمع کرانا ہو گا ۔

قرضہ کے اخراجات

بمطابق مروجہ بینک چارجز

ضمانت / سکیورٹی

زیرِ ملکیت و قبضہ زرعی اراضی و دیگر قا بلِ قبول ضمانتیں ۔ اپنے نام پر زمین نا ہونے کی صورت میں والدین و دیگر اہل خانہ کی اراضی یا کوئی اور سکیورٹی جوکہ بینک کو قابلِ قبول ہواُنہیں قرضے میں شامل کرتے ہوئے قرضے کے عوض پیش کی جاسکتی ہے ۔

قرض کی وصولی کا جدو ل

اس اسکیم کے تحت دیئے گئے قرضہ جات پانچ سال کی مدت کے دوران ششما ہی اقساط میں وصول کئے جائیں گے ۔

شرح مارک اپ

بینک کے جاری ترقیاتی قرضوں کی مروجہ شرح کے مطابق اس سکیم میں مارک اپ وصول کیا جائے گا ۔

جانچ پڑتال

بینک کا موبائل کریڈٹ آفیسر (MCO)قرضوں کے صحیح اور بروقت استعمال کی جانچ پڑتال کا مکمل ذمہ دار ہو گا ۔ علاوہ ازیں برانچ مینیجر ، زونل مینیجر (وصولی) اور آڈٹ ٹیم و ہیڈ آفس کے متعلقہ شعبے بھی ان قرضہ جات کی جانچ پڑتال کریں گے ۔

متعلقہ دستاویزات

اردو اردو

پیسے بھیجنا اور وصول کرنا

زرعی ترقیاتی بینک لمیٹڈ کی اپلی کیشن کے زریعے بہت آسان ہے۔

جلد آ رہا ہے

اپنے ان باکس میں تازہ ترین مضامین اور اعلانات حاصل کریں

اِس ویب سائٹ کے بہترین ویو کے لیے اسے IE10 یا کسی بھی نئے براؤزرمیں کھولیں